تبلیغات
کتابخانه عمومی شهید رجایی باینگان - حکایتی شیرین؛ یاپراخی… / حەمید بەزموونە
 
کتابخانه عمومی شهید رجایی باینگان
سال 95 سال خواندن
درباره وبلاگ



مدیر وبلاگ : ادریس رحمانی
مطالب اخیر
نویسندگان
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :

حکایتی شیرین؛ یاپراخی… / حەمید بەزموونە

حکایتی شیرین؛ یاپراخی… /  حەمید بەزموونە

پایگاه تحلیلی خبری پاوه پرس، کیسەمەنە کریڵەکەم بەرم ئارد ٫ کەردم وڵەو قوڵفەکەیەرە ٫ بە ئەو دەسەکەیم دەسەگیرەکەم چەرخنا ٫ مدیەو قوڵفەکە نەژنیان ،  هەناسێوەم هورکیشت واتم ئەروەڵا هەرەقەتی قومیانم وەنە٫ الزایمرەکە یاوا ،  بەرەکەم لاترەک کەرد ٫ مدیەو دەنگو موسیقیوی فرە وەشی ئارامی مەی ،  سەرسام مەنا کە من هەفتیٛو زیاتەرا تلویزیونیم روشن نەکەردەن ٫ قاڕەکەرەیچ نیا یانەمەنە ،  هیچکەسیچ کریڵو یانەو منیش نیا ،  پام نیام ئودیمو بەرەکەی مدیەو بوەو یاپراخا گەڵا سڵقی و شویتی تازەی یانەکەش گرد گیرتەنەرە ،  گورج گیڵانیوە دما ، دەسەگیرو بەرەکەیم گورج کیشت و بەرەکەم داپۆ ،  واتم رەنگا ئشتباهی ئاما بو ، ئینە یانەو من نیا ، تەماشەو شمارەو بەرەکەیم کەرد مدیەو یانەکەو ویما ۰

هەمدیسان ئامانیٛوە دلی چڕیم ساحیبیانە ٫ مدیەو ژەنیوە زەریفەی باڵا بەرزەی نەجیبە ئاما پیوایمو،  ئەشهدو بیلا بە هەردوەی چەمی نەتاوینی تەماشەش کەری ، ساکڵێو گولانە گرد ڕوا مێوەش منیەو وەنە چنی کاسیوی باغەینو چاشتی بەروش چنی ویم پەی سەرو هەرمانی ٫ شانەمەنە ئاوردشەرە نیاش سەرو ڕەفەکەیەو ، ئارام نەما دەسم ٫ تپەو دڵیم ئاما ، کەوتە وەڵیم بەرداش پەی ئاشپەزخانەی ، سەرو قاولەمەکەیش بەرز کەردۆ  ماچو ئانە پەی توم وەشیٛ کەردینیٛ ، مزانو زووەن تا ئیسە یاپراخی گەڵا سڵقیت نەواردینیٛ ،

بەرەو یەخچاڵەکەیش کەردەو نەما قاڵبیو کەریٛ نیاش سەرو یاپراخەکاوە تا تاویەووە ملشارە ٫ منیچ هور کروکیانی گەرەکم بی واچو دەی نیمەو کەرەکی بازە ٫ خو یانو جولەکەی نیا ، ئینە هەڵای دەسیش وەر نەدا بینی ، دیانی تاپوشەرە واتم ئەری تو کینی ؟ چنی یاوێنی ئیگە ؟

فرە ئارام ماچو ئەگەر حەز مەکەری با بلو ، واتم کورە نەفرماوی ، دیسان ویم نەگرت واتم باوەڕ فەرماوە ئەجو یاگیوەو دیێنیم یا ئەجوم مژناسوت ،  دیار بی فرە نەجیبەو ئەداو بابەدارەنە ،  یەکدەفعە ئاماوە ویرم ئینە تلەویزیونەنە دیێنەم ٫ واتم ڕاسی توووووووو خانم جنیفر لو۰۰۰۰دەسیش بەرز کەردو گلکەش نیا سەرو لچامو ٫ ناستش لوپزکەی واچو ٫

 ماچو توخدا چیولای نە خانمەکەی واچە نە لوپزەکەی ٫ هەر چڕەم وەنە جنیفرە ٫ با ویمانی بیمی خاستەرا ،  دڵو ویمەنە واتم دەی وەڵا ئەجو سی ساڵین بیجامیما سەرو یەک تەنافیوە وەشکی باوە ،  چیولای؟؟ چیولاکەیش فرە وەشو و مانادارا ،  راسشا واتەن خودا گرد یاگیوەرە دەرەتانیت بینو وەنە بەڵام مدیەی ئوپەڕو ناهومیدیەنە کڵاو ڕوچنیو عال و ڕوشنت پەی کەرووە۰

جنیفرە هەر پاسە دەسیوەم دلی دەسیشەنە بی ٫ ئەو دەسەکەش نیاش سەرو شانەیمو ماچو با یاپراخەکی قوڵیوتەر بدا ٫ بلم کوچیو ئیسراحت کەرە ، ئیجا دماوە پیوەرە نان موەرمێ ، بەرداش پەی سەرو قرەویڵەکەیم یواشڵیوەو ئیژنانیشەرە ، گورەوەکیم بەریش ئاردی،  تەکانیوەم دا هورزوەو نازو چاوزیاتەر ویش زەحمەت دو ٫ ناستش دەسێش نیا سەرو سینەمو ئیژنانیشەراوە ،

 واتم کورە خەجاڵەتو ویم گورەوەکیم بوەشا مە ٫ عەزیەتە بی ٫ ماچو من حەز کەرو بە بوەو گورەواکیچت ۰ قورئان بە حەقید هورامیەکەش ئندە فەسیح بی ئەجی مولەوی دەرس دێنە ، ئەجی مانگەو چواردەیەنە خەرمانەش دان ، واچینی کورە جاحندەم زەندەگی یانی ئی لەحزە ٫ نەچیێر جاریو مە پەشتو بەرەیتەنە موسورە ۰ ئیجا قرەویڵەکو من یەکنفەرەن ئادیچە گەرەکش بی لامەنە بیژیورە ،

 ماچو کوچیو خزە ئوڵاوە با منیچ لاتنە گنو ،  منیچ تەکانیوەم واردە تا جنیفرە راش بووە لامنە کیشیورە ٫ ئاندە دنیام دیە ٫ ئەجی بەرقی گرتا ، یەکدەفعە جنیفرە مەحفە بیەو ٫ تاریکناشەرە ٫ ئەجی دەسشا نیان دلی بینیم خەریک بی خەفە بو .

تومەزە وەرم وینو خزانا ئولاوە جنیفرە راش بووە ٫ سەرو قەرەویڵەکەیەو کەوتەبینیرە وار بەینو سوچو دیوارەکەیو قەرەویڵەکەی٫ سەرەم بیەبی چیرو لاشەیمو نەتاوینی نەفەسە کیشو ، بە لقە فڕیٛ و هاواری هایم بیەو مدیەو ئندە هارەقەم کەردەن فیسیانا،  لوانی دلی ئەدەبخانەکەی بەرقەکەم کیسنانە ٫ دلی جامەکەیەنە تەماشەو ویم کەرد مدیەو ملم لار بیەن مەتاوو موستەقیم تەماشەو جامەکەی کەرو ، ڕوەیچم ماسێبی ۰…





نوع مطلب :
برچسب ها :
لینک های مرتبط :

       نظرات
چهارشنبه 29 فروردین 1397
ادریس رحمانی
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر